, 剛巧公司老闆請吃飯. 彩熊趁新鮮熱辣, 把握第一時間將自己的撞鬼經歷和感受告訴大家
. 好! 時不宜遲! 去片!
(註: 以下會以口語化文字撰寫
.)
續上回, 話說彩熊時運高, 中o左奬去撞鬼! 前晚6點幾放工後, 彩熊同哥哥就唔識死咁入去呢個超猛鬼既地方
. 抱住"天不怕, 地不怕, 都無有怕"既心態, 搵到Yahoo!Blog專設既攤位換票後, 就急不及待試玩海洋公園2009十月全城哈囉喂, 實行一定要一晚撞晒百年香港鬼至離開!
於是就展開o左"彩熊的Thriller Night之旅"啦!
↑原本以為會好少人~
點知...嘩, 物原來都有好多人俾鬼迷噃
, 仲好開心好期待添~~真係鬼魅四射! 係極唔尋常既靈異現象呀!
第一站鬼屋: 通靈實驗室
一入黎彩熊就諗住試下自己既膽量有幾多啦
, 呢個可以獨個兒玩既鬼東西就最好不過啦.
入到去周圍都黑漆漆, 彩熊真係有d信果個陰陽收藏家講既野架
, 走翻出黎都有d驚, 可能因為呢度係第一個去既地方啦! 記住一個人千祈唔好三更半夜照鏡啊~ 
----------------------------------------
驚嚇指數:
好玩程度:
(5個為滿分)入得黎公園既人個個都時運低架la, 仲特別容易見鬼既, 加上入面陰氣都幾重, 所以見到周圍有勁多唔同既鬼, 好似開party咁~ 等彩熊介紹下影到既猛鬼啦:
↓一小部份超人氣既誘人名鬼
, 一時未能盡錄.... 有好多人都被佢o地迷, 話要同佢o地影相...嘿嘿
咁猛鬼既地方, 點少得呢對出名既孖寶兄弟呀: 白無常&黑無常, 唔, 都係黑無常型仔d~~
↑ 九歲人細鬼大既"孤疑"都黎呢度湊熱鬧呀!
她對著正攝鬼既彩熊擰身撒嬌話喎:" 我唔擠丫~~你仲影~!!"
呢個超人氣既喪屍護士姐姐&鬼B, 有好多人圍住同佢o地影相架!
護士姐姐: "BB...BB佢好乖架~"
鬼B: "哥哥...哥哥, 我想要....你d手指!"
哥哥: "呃........
"仲有好多新品種既奇異恐怖鬼怪妖魔...真係多到你唔信! 一句講晒: 有鬼自己撞啦!"
不過佢o地都非常主動既, 但係如果你掛住望其他野, 有d小器鬼就會嬲你睇唔到佢o地, 然後鬼鬼祟祟咁跟蹤你, 再失驚無神嚇你...
"睇唔到丫嗱~~死未!"
第二站鬼屋: 魔大迎新夜
初落到深淵報到, 點可以唔去魔大迎新夜呀!
仲可以識到咒怨女孩和醫科系男生添~咦, 咁似某間大學既紅磚牆校舍o既? 彩熊o係度唸: 唔知大學英文名會唔會係 Kill U 呢?
即刻作番首死詩先
: "死過翻尋魅, 魔大最啱你! 今夜玩o左未? 追鬼咪包尾! " 
終於見到辮子姑娘喇!
佢好大方咁俾人影相, 彩熊對佢既印象係: 一位斯文嬌小既小姑娘~~嘿嘿拎住餸籃既?? 唔通鐘意o左苦讀男生, 要買牛尾煲湯俾佢飲? 
----------------------------------------
驚嚇指數:
好玩程度:
(5個為滿分)好, 跟住我o地就坐新建既海洋列車, 到達另一個鬼地方繼續"搵鬼上身"~~
很美! 被沉淪在晃動中的漣漪光影迷住了...
一過到對面, 熱舞狂歡既潮爆喪屍將呆企住睇既遊人給鈎魂過去啦...
喂...阿哥!!連阿哥都......."生前太痛苦, 死後要快活!"
Come on, Baby! Don't shy! Let's dance!
第三站鬼屋: 東瀛凶舍
行到倦la
, 緊係想搵番間旅館抖下架la, 點知陰差陽錯咁去o左呢度, 得到入面既妖怪職員"特別招待"後, 就點都唔會倦! o係門口仲見到花子添~----------------------------------------
驚嚇指數:
好玩程度:
(5個為滿分)
呢個巨形"死人頭"骷髏頭骨係重要地標呢架
. 唔影又點鬼信你撞鬼丫?搵鬼信!
呢個其實只係惡搞入口黎, 此路不通架!
你o地俾鬼耍啦!
小朋友, 疆屍哥哥黎啦...望下右邊啦~!
第四站鬼屋: 十三號差館
呢度至係入口丫! 睇下幾猛鬼!
天靈靈, 道靈靈...出面貼幾多符都無用, 事關隻隻疆屍都吸盡晒日月精華, 有你冇你咁到處肆虐, 而黃袍道長就o係入面努力作戰緊, 快d入去幫道長啦!o係入面.....
彩熊同眾人(拎起道具對住疆屍丙):" 受死啦! 八卦死光!! 滋....招!招!招招!!!!.....死未!?"
疆屍丙好無奈:".
...........斯...嚇!!"
弊啦, 呢度d疆屍實在太犀利啦! 要快d去搵道長睇下點算啦...跟住見到好勇鬥狠既道長已經o係度忘我咁瘋狂大力鞭屍~劈...劈..劈劈!!!
----------------------------------------
驚嚇指數:
好玩程度: (5個為滿分)
↑對住差館門口既就是一眾玩緊"超級無敵鬼門人"既嘩鬼, 真係大聲到慌死人聽唔度咁~鬼門人仲要捉d活人上去折磨...
仲好享受咁話要爆開佢o地既肚皮喎 .
"Oh....my god!!!"
如果你俾鬼追到攰, 無晒力又肚餓??
嘿嘿! 物你以為呢度係人間咩, 肚餓冇野食!?...死人頭都要照鯾架la~~食唔食就隨得你啦!
不過若果你寧死都唔想做食屍瘋鬼既話都得既, 不過都要搵番個地方架.
呢度就啱晒啦!
呢度物棺材都有, 要木做? 定係要有雕花邊丫?
咩款式都有喎!
, 咁求其揀一個都得啦...死就死啦!
不過...都係睇埋陰間一大盛事--噢!屍卡大儉典禮先啦~~睇下咩鬼攞最受歡迎嚇鬼大奬都好丫!
YoYoYo.....
大家一齊跳舞, 積極d扶助山區貧窮小鬼啦, 只需$XXX~冥錢??? 不知收唔收卡架呢?彩熊極力推薦大家千祈唔好錯過呢個節目呀! 個show好好睇!
第五站鬼屋: 彭氏兄弟之鬼域
行下行下都唔知點解行o左黎呢度~~??噢! 唔小心入o左部壞鬼嚇人電梯度!
緊住就↑↓↓↓↑↑↓↑↓↑............嘩啊啊~~~!!!入o左一個靈異鬼域! 入面陰霾霧沉, 人既三把火就更加脆弱啦!! 好容易就陷入鬼迷陣, 十面埋伏!! 點算? 邊個都幫唔到你架la, 自己執衫啦! 
That 's no one got to save you and This is a thriller night!
----------------------------------------
驚嚇指數:
好玩程度: (5個為滿分)
第六站鬼屋: 冥通中心
咪以為走得出恐怖鬼域, 就以為安全得架~
過o左呢關再講啦! o係入面, 你要記住 某d東東, 要同d猛鬼玩遊戲, 仲要經過最得人驚既戲院, 攞命囉! 記住千祈唔好擰轉頭望丫, 唔擔保會無事架~嘿嘿....----------------------------------------
驚嚇指數:
好玩程度: (5個為滿分)
第七站鬼屋: 鐡路驚魂
想出返去人間界都得, 試下坐陰間最凶既血淋淋列車睇下得唔得咯~~入面好多人嚇到死死下~~
問題係你想死去邊?.....
睇下點去先....?
都無個地方識既~咩鬼地方黎架~唔擠, 我要返屋企丫~~!!
D標誌好鬼正!
甚麼? 我o係吊頸嶺站??..唔係咩咩...咩站咩? 呢個咁令人毛骨悚然既車站
, 原來以前真係有架! 係咪好驚呢? 仲有死o左都仲繼續shopping既名媛女鬼
, 仲鬼火咁靚~點解我會知? 因為...睇呢位哥哥幾冧幾開心就知啦! 佢咁就....中o左招啦!都話o左d靚既女鬼都係呃人架la~呢個地方真係幾恐怖!!
----------------------------------------
驚嚇指數:
好玩程度: (5個為滿分)
"嘩...放我出去!!"放件咁既東東o係門口''
, 你都咪話.....真係未出發先驚恐!
最後第八站鬼屋: 高街鬼屋
呢個地方真係夠晒隱蔽
, 行極都搵唔o係邊...要問鬼至去到. 當然入去又係唔駛廢氣, 一陣間就入得.
知唔知咩叫做極度驚恐? 唔知!? 困你o係入面咪知囉!
o係入面既, 嚴格黎講, 都唔係人黎架啦, 佢o地可能癲到要拆磨自己死為止, 再化為厲鬼害人...----------------------------------------
驚嚇指數:
好玩程度: (5個為滿分)
最後彩熊與哥哥都通過了考驗, 重回人間, 總算有驚無險, 無穿無爛!! 當然要好好大笑一番啦!! Yeah!!! 當晚我們逗留在公園閉門前約半小時才不捨地離去.
其他相片欣賞:
P.S.: 整晚玩後感
彩熊入到去傻下傻下, 見到自己獲發的紙手圈跟別人的不一樣的, 但到排隊入鬼屋玩時才知原來那是至尊門票
, 真是開心到暈啊! 記得去年, 彩熊跟2位友人買了普通門票入去遊玩, 只能玩罷一半的鬼屋而已!
有關記述2008年十月全城哈囉喂的網誌, 請看下面連結:
改變與平衡-http://hk.myblog.yahoo.com/colorisubear/article?mid=4937
有了至尊門票, 然後嘛~當然是很快就可以玩畢八間鬼屋了!
Lucky, 哈哈~~~拍了很多很多相片啊!至尊門票給彩熊的感覺是: "來去鬼屋快如風, 不消半刻已銷魂."
相信無人入去是沒有被嚇倒的, 每人至少都有5-6次吧!
今年的鬼屋大都是以香港鬼故做賣點, 可能因為較貼身和為人熟知的關係, 比去年的更加驚嚇和更好玩! 而鬼屋模式就跟去年的差不多. 多謝Yahoo!Blog和海洋公園給予彩熊這麼好的機會可以去試玩哈囉喂優先場!
彩熊與哥哥都過了一個難忘又開心的驚嚇之夜!
也留下了美好的回憶! 感謝你!!-全完-
多謝觀看!
預祝各位準備撞鬼的朋友玩得開心點!
留言列表
